One strange thing don shele as them say cultist don kpai one guy when just finish university for Bayelsa oo… E pain people o

Cultists don kill another fresh graduate for Bayelsa

Suspected cultists don kill one fresh graduate from Niger Delta University (NDU), wey dem identify as Abinna Precious Briggs, for Bayelsa State.

Dem shoot Briggs die on Monday night, May 13, for Amassoma — na di community wey dey host di university.

Di young man just finish im final exam and dey wait to defend im project before dem target am, as report talk say na rival cult group pursue am.

One person for di community tell Daily Trust say dem rush di guy go hospital but dem no gree treat am because of di law wey concern gunshot wound. Na so e take die as blood loss too much.

For just di past two weeks, at least ten people don die for di ongoing fight between rival cult groups.

Na just four days ago, dem still kill two NDU graduates wey dey wait for NYSC call-up for almost di same kind wahala.

Bayelsa State Police PRO, DSP Musa Muhammad, don confirm di killing. E talk say police don start investigation to catch di people wey do am.