Cry plenty as World’s ‘Poorest President’ José Mujica Die at 89
Former Uruguay president wey people sabi as "Pepe", José Mujica, don die on Tuesday, May 13, 2025.
Dem sabi am as the world’s “poorest president” because of the humble way wey e live during e time as president.
José Mujica wey be Uruguay president from 2010 reach 2015 no gree stay for the presidential mansion wey dem provide.
FCT, Abuja – Former Uruguay president, José Mujica, wey plenty people sabi as “the world poorest president” because of the simple life wey e dey live, don kpai. E die at the age of 89.
Dem never talk the exact thing wey cause e death, but e don dey battle oesophagus cancer before.
President Yamandú Orsi announce Mujica death for social media (X) on Tuesday, May 13, 2025.
E talk say, “Thank you for everything wey you do for us and for the strong love wey you get for your people.”
While e dey office, Mujica no gree move enter the presidential mansion like wetin other world leaders dey do. Instead, e stay with im wife, Lucía Topolansky, for their small house for Montevideo outskirts. Dem no get house help or heavy security.
E dey drive him old light blue 1987 Volkswagen Beetle and e dey donate big part of him salary. Na dis kind life make many media houses call am “the world poorest president.”
But Mujica no gree accept that name. For one 2012 interview wey dem do for him house, e talk say:
“Dem say I be poorest president. No, I no be. Poor na those wey never satisfy… because dem dey run race wey no dey end.”
According to BBC News, Mujica don serve as lawmaker both for the Chamber of Representatives and the Senate (na the lower and upper house of parliament for Uruguay).
For 2005, e become minister for the first government of Frente Amplio, the left-wing coalition for Uruguay.
Before e become president for 2010 when e be 74 years old, many people for the world no even sabi am.
During him time as president, Uruguay economy grow steady — average of 5.4% every year. Dem reduce poverty, and jobless rate low.
Him government also get praise because of laws like abortion legalization, same-sex marriage rights, and make marijuana business dey under government control.
he try sha
