For one big move wey go support President Bola Tinubu economic recovery plan, BUA Group Chairman, Abdul Samad Rabiu, announce on Thursday, May 15 say BUA and Dangote Cement don gree make dem hold cement price steady for all contractors wey dey work on Federal Government projects under the Renewed Hope initiative.
Dis announcement happen after Rabiu meet with President Tinubu for Presidential Villa, Abuja. Dem still talk about how BUA Foods dey help reduce food price for the country.
As Rabiu dey yarn with journalists after the meeting, e talk say the cement price freeze na joint agreement between am and Alhaji Aliko Dangote, Chairman of Dangote Cement, to help stop price wahala for important infrastructure projects across the nation.
“We don decide say we no go increase cement price for any contractor wey dey do Renewed Hope project,” Rabiu tok. “Price no go go up for now. Na our own way be dis to support Mr. President Renewed Hope Initiative.”
