Di Police Command spokesperson, SP Tochukwu Ikenga, confirm di tori for one statement wey e release on Saturday, May 17, 2025. E talk say di State Commissioner of Police don tell him officers make dem increase surveillance and intelligence gathering to find out wetin really happen for di matter.
Accordin to di PPRO, dem find di body on May 16, afta one unknown person call di dead person phone.
Dis one na just two weeks afta dem find di body of one pregnant woman wey hang for tree inside bush for Idemili South Local Government Area of di state.
Di statement talk say, “Di Commissioner of Police, CP Ikioye Orutugu fwc MNIPS PhD don order di officers and men of di Command make dem increase surveillance and intelligence work to stop crime and wahala for di state.”
E still beg dem make dem try find out wetin really happen.
