President Bola Tinubu, on Thursday, May 22, don send budget proposal wey reach N1.48 trillion for Rivers State Government go National Assembly make dem reason am and approve.
Di President talk say dis budget proposal na important one because Supreme Court don cancel the 2025 budget wey Rivers State first get, and the state dey under emergency rule now.
E talk say out of the whole money, N324 billion go enter infrastructure, N166 billion go health matter, N75.6 billion go education, and N31.4 billion go agriculture.
Tinubu still talk say based on how dem plan the 2025 budget, agriculture go create like 6,000 jobs. E beg the lawmakers make dem quickly approve the budget so e go help Rivers State and the people wey dey there.
Make una remember say for March, President Tinubu declare state of emergency for Rivers State because of the long political wahala between the state governor, Sim Fubara, and him political oga, Nyesom Wike.
