One couple wey dey plan marry don die the same day for two different accidents, and dem leave their 4-year-old pikin behind.
25-year-old Alexus Lee and 35-year-old John “JR” Collins just buy new house and dem bin wan marry for February 2026 before dem die overnight on Friday, May 16, for Louisiana.
According to wetin Louisiana State Police talk, dem respond to “two different fatal crashes for LA 67 inside two different areas.”
Dem talk say the first accident wey involve Lee happen for East Baton Rouge Parish, and police reach the single-car accident for Lemon Road just after 2:00 a.m. “From wetin we find so far, Lee bin dey drive 2013 Toyota Highlander go north for LA 67,” the statement talk. “But for reason we never sabi, the motor comot for road, jam gutter, and overturn.”
Dem add say, “Lee no wear seatbelt, she collect serious injury wey kill am for the scene. We never sure if she dey high, but we collect sample for test.”
As Collins hear say hin babe get accident, e start dey drive go the accident scene. But him too lose control of him motor.
The couple get one 4-year-old pikin wey dem name Gabriel. As police talk, Collins get accident too for Idlewild Road inside East Feliciana Parish, and dem reach there around 3:45 a.m. “Wetin we check show say Collins dey drive 2016 Chevrolet Camaro fast fast go south for LA 67,” police talk. “Na so the motor no fit bend the right corner, comot for road, jam tree.”
“Collins no wear seatbelt, e fly comot from the motor,” dem add. “E collect injury wey kill am for the scene. We no suspect say e dey high, but we collect sample to check. Investigation still dey go for both accidents.”
People wey sabi the couple don talk say dem go really miss Collins and Lee.
