Nollywood actress, voice-over artist and preacher, Thelma Chukwunwem, don talk say no producer or director fit ever open mouth talk say dem sleep with am — even after 31 years for di industry.
According to wetin Vanguard report, Thelma yarn for one recent interview say she face serious pressure and sexual advances when she start her career, but she no ever gree give in.
Her exact words: “Temptation dey, but I stand gidigba. If you feel say I must sleep with you before I fit get role, abeg carry your script go.”
She even share one time wey one director tell am say she no go go far if she no play ball. But she reply am: “Na God grace go carry me far.”
Many years later, she jam that same director for one movie premiere. Wetin the man talk? “Stubborn girl.”
She answer am: “Time don pass. Na God help me.”
Thelma talk say na her strong home training, discipline and faith help her last for Nollywood till today.
