Arsenal legend wey be Thierry Henry don yan say e no happy say coach Mikel Arteta never win better trophy since e take over for Arsenal.
Henry talk say fans get every right to dey ask question after dem don finish second for league for like three seasons, and dem never win serious trophy for five years now.
Since Arteta come as coach for December 2019, na only one competitive trophy e don win – na FA Cup for him first season. E also win two Community Shield, but people no dey really count dat one like serious trophy.
Now Henry don talk say the lack of trophy for Arsenal don dey raise plenty eye, especially as people dey compare dem with Manchester United.
Henry talk for Stick to Football podcast wey Sky Bet dey run:
“I no dey talk say I dey disappointed with Arsenal, but e make sense say people dey ask questions now about wetin the team dey do.”
“I understand say when Arteta first come, the team no be him own. You go need at least three or four transfer windows to take build the kind team wey you want.”
“E dey take time and you gats give coach time to build wetin e get for mind.”
“But now, for the past three years, Arsenal suppose don carry at least one cup or even reach one final.”
“Manchester United, wey people dey laugh say dem no strong again, don play five finals for the last five years. But Arsenal wey dey rebuild for the last three years never even reach final.”
“So, I understand when people dey ask say, ‘Una no suppose dey fight for trophy by now?'”
