Another Air India flight from Ahmedabad go London don cancel again because of technical problem – just few days after Flight AI171 crash shortly after e take off, wey k!ll 241 people.
According to tori wey CNN News18 report on Tuesday morning, June 17, Air India Flight AI159 wey come from New Delhi, no fly again because of technical palava.
Di Boeing 787-8 Dreamliner suppose fly by 1:10 pm, but dem ground di plane some hours before takeoff after dem detect one wahala.
Dem talk say na during routine check dem see di problem, wey help stop another disaster and protect di lives of many passengers. But di last-minute cancellation leave many people wey wan go London stranded for airport, and e cause serious stress for dem.
Meanwhile, authorities still dey try identify di people wey die for that crash — wey be di worst air accident for India in over 30 years. DNA test don help identify 119 bodies, and 76 families — including family of former Gujarat Governor, Vijay Rupani — don collect their loved ones’ remains.
As for di Boeing 787-8 Dreamliner AI171 wey crash near BJ Medical College, investigators still dey check wetin really cause di crash, as people dey worry more about aviation safety for India.
