Terry G don blast Nigerians wey dey tell older musicians say their time don finish.
The singer talk say he dey always hear people dey talk like that and e dey wonder why na Nigerians dey carry that kind mindset.
He point out say for Western countries, people dey respect and honour their legends till today.
For him words, he write:
“I dey hear people dey talk, ‘Your time don pass!’ — and e dey sound like say brain don spoil.”
“For abroad, dem dey respect their legends for life. Nobody go call Jay-Z or Beyoncé old or outdated. Dem dey value their impact.”
“But for here for Africa, especially Nigeria, we quick to throw away our own. Na why we go dey believe say our ancestors na witches, but white people ancestors na gods. We gats change that kind thinking.”
Terry G still add say:
“If you no dey add value to yourself and others, your value go fade, no matter how big you be before.”
“We suppose do better.”
