Lawyer and former Director-General of the Bureau of Public Sector Reform, Dr. Joe Abah, don spark serious talk for social media after he drop one question wey touch many people for him X handle this morning.
He post:
"Honest Question: Can you be a politician and REALLY serve God in spirit and in truth?"
The post don cause mixed reactions online, as some people say yes, e possible, while others talk say the kind dirty wey full politics no gree person serve God sincerely.
Some people believe say integrity and true service to God fit still dey possible inside politics if the person fear God and no join bad gang. Others believe say the system itself too corrupt, and once person enter, na compromise sure pass.
As the question dey trend, e don open ground for serious national and spiritual reflection. Wetin you think? You believe say person fit enter politics and still serve God "in spirit and in truth"?
