El Monte Police Department don confirm say their SWAT team follow U.S. Postal Service and FBI serve the warrant for one house wey dey Tujunga area for Los Angeles. The matter involve tori about s3x trafficking, tax evasion, mail fraud and money laundering.
FBI for Los Angeles talk say dem no wan talk anything about the operation. Dem try reach U.S. Attorney’s Office but dem never talk anything too. U.S. Postal Inspection Service talk say dem dey work with federal, state and local police people as dem still dey investigate and gather more info.
Dem serve s3x trafficking warrant for house wey dem say get connection with the cult pastor.
Pictures wey come out from the scene show say FBI agents dey do their work for outside the house, and dem don handcuff some people. E never clear whether dem arrest anybody or whether Robert Shinn self dey there when dem raid the house.
Robert Shinn na the main person wey dem dey drag inside plenty allegations wey show for one Netflix documentary wey dem release for 2024 — Dancing for the Devil: The 7M TikTok Cult. Na this same pastor start one influencer management company wey dem call 7M Films.
