One papa and im teenage daughter don lose their life for one motor accident wey happen for Enugu-Port Harcourt Expressway, near Amibo Ubakala for Abia State.
Di accident happen on Wednesday, May 14, 2025, around 12 noon. E involve one green Toyota Highlander Jeep with number UWN 314AR and one red Mack truck with number PHC 971ZT.
People wey see wetin happen talk say di Highlander wey dey carry one family of six from Abia Tower side go Aba jam the back of one long trailer wey full with iron scrap.
Di Highlander driver, wey dem identify as 60-year-old Chidi Innocent from Enugu State, and im 18-year-old daughter, Miss Onyinyechi Innocent, die immediately for the scene.
Dem don carry their body go keep for Godspeed Mortuary for Mgbarakuma Ubakala.
Two other people wey dey inside the motor wound seriously and dem rush dem go Federal Medical Centre (FMC) for Umuahia make dem get treatment.
Meanwhile, their mama bin dey under the trailer for some time before dem fit rescue am.
The truck driver, 33-year-old Gideon Effiong Udofia from Ikot Ekpene for Akwa Ibom State, don dey police hand as dem don arrest am.
Authorities don talk say dem still dey investigate to know wetin really cause the accident.
.
.
.
.
.
