One woman wey get dog don cry come outside with serious pain as she talk wetin her neighbour do. She say the man, wey she trust, kill her dog wickedly after she leave the dog for him to look after.
Di woman na baker, and she talk say her neighbour, Paul, dey always help her feed her dogs, so she leave one of her dogs with am as she travel go another state for delivery.
But later, security people from the estate call her, say dem catch Paul as he dey kill the dog brutally because he wan chop am.
She write:
"I leave one of my dogs with Paul because I gats quickly run go do delivery for another state...
"I come get call from security for Paul estate, dem talk say dem catch Paul as he dey kill my dog wickedly... Paul don kill one of my dogs. I no even fit look the dog body.
"Paul kill my dog because he wan chop am. Neighbours talk say dem see as he dey beat the dog with big stick before he use knife cut the dog throat. Dem think say na dog thief he be, so dem confront am. As dem begin beat am, na im he give dem my number. I still dey shock."
