American rapper and YouTuber, DDG, don enter headlines again – this time na Nigeria don enter the matter.
Di rapper wey him real name be Darryl Dwayne Granberry Jr. talk for X (wey before be Twitter) say him dey plan buy house for Lagos.
Wetin e talk be: “I wan buy house for Lagos, Nigeria. Which area good?”
Dis one dey come few months after e tell fans for March say e dey reason to relocate come Nigeria because e don tire for life wey e dey live for U.S.
But e quick interest for Nigeria dey happen as e still dey waka inside serious public child custody wahala with singer and ex-babe, Halle Bailey – wey be mama of him pikin.
Before, reports bin talk say DDG request for temporary restraining order against Halle no gree go through, but now him lawyer don come out talk say court actually grant am Temporary Restraining Order (TRO) based on some “serious allegation” wey dem write for the application.
But the custody matter still dey ground and court go handle am properly for one full hearing later.
