Former Central Bank Governor, Godwin Emefiele, go face new arraignment today June 16 for FCT High Court, before Justice Hallilu, over alleged illegal acquisition of 753 duplexes for Abuja.
The massive estate dey for Plot 109, Cadastral Zone C09, Lokogoma District, and e cover land wey big reach 150,462.86 square meters. Di 753 housing units don already forfeit to the Federal Government.
According to the EFCC, dem file fresh charge last month say Emefiele use proxy accounts and collaborators to take control billions of naira and grab the estate illegally.
The charge, wey carry number CR/350/25 and dated May 30, 2025, talk say Emefiele conspire with one Eric Ocheme, wey don run disappear, to acquire the estate.
EFCC also yarn say the estate originally belong to one former top government official, and Apo High Court don already give forfeiture order for the matter.
Meanwhile, Emefiele lawyer, A.M. Kotoye (SAN), try enter the case as “interested party” but the court throway the motion.
